Дзæуджыхъæуы ацыд республикон æркасты муниципалон къæпхæн

Дзæуджыхъæуы сывæллæтты 65-æм рæвдауæндоны ацыд æркаст "Иры фидæн"-ы муниципалон къæпхæн. Ирон фысджыты уацмыстæм гæсгæ æмдзæвгæтæ æмæ сценикон нывтæ адæмы размæ рахастой республикæйы сывæллæтты 48 рæвдауæндоны хъомылгæнинæ. Архайджытæ уыдысты 242-йæ фылдæр. Сæ хъомылгæнджытимæ конкурсмæ сæхи бæрнонæй бацæттæ кодтой. Конкурсанттæн аргъ кодтой фæлтæрдджын жюрийы уæнгтæ. Дыууæ номинацийы сбæрæг кодтой 7 фыццаг бынаты.